Skip to main content

வெயிலை உலர்த்தும் இரவு



பகல் வெளியில் பயணிக்கையில்

கிரகிக்கும் வெயிலையெல்லாம் குவித்து

வைக்கோல்போராய் வைத்துக்கொள்வான்

இரவு படுக்கையில்

போரின் மையத்திலிருந்து

கொத்துக்கொத்தாகப் பிய்த்து

உதறி, பரப்பி

மேலே படுத்துருண்டவாறு

வேக வட்டமடிப்பான்

ஈரமுள்ள வெயில் பக்கம்

சொணை சுள்ளெனடிக்க

அதிகச் சுற்றடிப்பான்

நள்ளிரவு சோர்கையில்

உலர்த்திய வெயிலைக் குவித்துக் கட்டி

உறங்கப் போவான்.

Comments